Hotel Avannaa Ilulissat mittarfiannut aqqutaaniippoq illoqarfiup qeqqanit pisulluni minutsit qulit missaanni ungasitsigisumiilluni. Akunnittarfimmiit kangerluup iluliarsuit anillaaviannut illoqarfimmullu isikkivigitsorsuuvoq.
Inaatigaagut init marluuttarissat 22-it, periarfissaqarluni inummut ataatsimut siniffiugalliinissamut. Init tamarmik namminneq uffarfeqarput / perusuersartarfeqarlutik, tv-qarlutik saattut 32”-mit, iggaaveeraqarlutik, kiisalu aneerasaartarfimmut anisarfeqarlutik. Init qaamasuupput nunallu avannarlerneersut ileqqui aallaavigalugit pisariitsumik aaqqissugaallutik.
Isaariap nalaani ullaakkorsiorfeqarpoq aamma aneerasaartarfeqarluni, ineqartullu tassani ullaakkorsiorsinnaallutik.
Akunnittarfik pujortarfiunngilaq – inimi nerisarfimmilu. Silamili pujortarneq ajornarani.
